Tempu ku Angelo Phelipa tabata biba na Kòrsow e tabata graba predikashinan i kantikanan di servisio ku kasètrikòrder. Na aña 2000 Angelo a tuma e disishon di bai biba na Hulanda. Despues di dos aña bibando na Hulanda, Angelo a kumpra un kámara di filma digital i asina el a kuminsa graba servisionan na papiamentu na varios iglesia na Hulanda. E iglesianan ku Angelo tabata graba servisionan na dje ta:

 

•  Iglesia Adventista na Delft;
•  Iglesia na Crooswijk;
• Iglesia na Emmeloord;
• Iglesia na Tilburg;
• Iglesia Bon noticia na Amsterdam.

 

Filmando, Angelo a haña inspirashon pa laga tur hende ku ta papia papiamentu rònt mundu haña e oportunidat pa tende i mira e predikashinan via internet den nan mes idioma.

Durante di e grabashonan, Angelo a enkrontrá Richemar Koffie. Angelo a konta Richemar di su ideanan i e na su luga a duné su puntonan di bista i mas ideanan ( entre otro pa no pasa e grabashonan vivo i direkto pero despues via internèt). Angelo su ideanan no a keda para na grabashon so.

 

Hopi ruman di iglesia a haña ku ta un bon idea i Angelo a aserka algun ruman pa huntu nan traha riba e plan. Un otro hòbi di Angelo ta, kore marathon.